Віцебск. Гарады Беларусі

23 чэрвеня 2018 года Міністэрства сувязі і інфарматызацыі Рэспублікі Беларусь выпускае ў абарачэнне паштовую марку «Віцебск» з серыі «Гарады Беларусі».

Марка друкавалася ў РУП «Выдавецтва «Беларускі Дом друку».

Дызайн Я.Бядонік.

Віцебск — другі найстаражытны горад Беларусі пасля Полацка, трэці па колькасці насельніцтва. Афіцыйным годам заснавання лічыцца 974-ы. У старажытнарускіх летапісах упершыню згадваецца пад 1021 годам.

Сучасны Віцебск — абласны цэнтр рэспублікі. Віцебская вобласць мяжуе з трыма краінамі і мае развітую дарожную інфраструктуру. З'яўляецца буйным прамысловым рэгіёнам Беларусі. У якасці важнейшых галін прамысловасці выступаюць машынабудаванне і металаапрацоўка, дрэваапрацоўчая, электронная, лёгкая і харчовая прамысловасць.

Віцебская вобласць мае багатую культурную спадчыну — больш за 3 тыс. помнікаў археалогіі, гісторыі, культуры і архітэктуры.

Віцебшчына — радзіма вядомага міжнароднага фестывалю мастацтваў «Славянскі базар у Віцебску».

У дзень выпуску паштовай маркі ў абарачэнне ў аддзяленні паштовай сувязі № 15 Віцебска будзе праводзіцца спецыяльнае гашэнне на канверце «Першы дзень».

 

З больш падрабязнай інфармацыяй можна азнаёміццатут.