II Еўрапейскія гульні 2019 года

1 лютага 2019 года Міністэрства сувязі і інфарматызацыі Рэспублікі Беларусь выпускае ў абарачэнне чатыры паштовыя маркі з серыі «II Еўрапейскія гульні 2019 года».

Маркі друкаваліся таксама ў малым лісце.

Дызайн М.Віткоўскай.

Маркі друкаваліся ў РУП «Бабруйская ўзбуйненая друкарня імя А. Ц. Непагодзіна».

II Еўрапейскія гульні ў Мінску — найбуйнейшая мультыспартыўная падзея ў гісторыі сучаснай Беларусі.

З 21 па 30 чэрвеня 2019 года больш за 4 000 спартсменаў з 50 краін выступяць у 15 відах спорту, будзе разыграна каля 200 камплектаў узнагарод. Спаборніцтвы ў 10 відах спорту стануць кваліфікацыйнымі да Гульняў XXXII Алімпіяды, якія пройдуць у 2020 годзе ў Токіа.

Грандыёзныя шоу — цырымоніі адкрыцця і закрыцця Гульняў — адбудуцца на стадыёне «Дынама».

На марках, малым лісце і канверце «Першы дзень» — афіцыйны лагатып і слоган II Еўрапейскіх гульняў 2019 года.

Праект падрыхтаваны пры садзейнічанні фонда «Дырэкцыя II Еўрапейскіх гульняў 2019 года».

У дзень выпуску паштовых марак у абарачэнне ў аддзяленні паштовай сувязі № 1 Мінска (магазін «Філатэлія», вул. Маскоўская, 16) будзе праводзіцца спецыяльнае гашэнне на канверце «Першы дзень».

 

З больш падрабязнай інфармацыяй можна азнаёміцца тут.