Гербы гарадоў Беларусі. Герб Іванава

23 жніўня 2018 года Міністэрства сувязі і інфарматызацыі Рэспублікі Беларусь выпускае ў абарачэнне паштовую марку «Герб Іванава» з серыі «Гербы гарадоў Беларусі».

 

Дызайн М.Віткоўскай.

 

Марка друкавалася ў РУП «Выдавецтва «Беларускі Дом друку».

 

Герб горада Іванава Брэсцкай вобласці ўяўляе сабой варажскі шчыт, у блакітным полі якога паказаны сярэбраны храм, размешчаны паміж рагамі залатой падковы.

Герб уведзены Указам Прэзідэнта Рэспублікі Беларусь ад 11 сакавіка 2011 г. № 101.

 

У дзень выпуску паштовай маркі ў абарачэнне ў аддзяленні паштовай сувязі № 3 Іванава Брэсцкай вобласці будзе праводзіцца спецыяльнае гашэнне на канверце «Першы дзень».

 

З больш падрабязнай інфармацыяй можна азнаёміцца тут.