Бясплатны Wi-Fi у аддзяленнях паштовай сувязі горада Мінска

РУП «Белпошта» прапануе гасцям і жыхарам сталіцы скарыстацца бясплатным доступам у сеціва інтэрнэт у 44 аддзяленнях паштовай сувязі Мінска.

Бясплатны Wi-Fi у аддзяленнях сувязі дазволіць кліентам быць у курсе спартыўных і культурных падзей сталіцы, а таксама атрымліваць патрэбную інфармацыю і заставацца на сувязі.

Для падключэння бясплатнага Wi-Fi:

1. У наладках вашага смартфона ўключыце модуль Wi-Fi, аўтаматычна прасканіруюцца даступныя сеткі;
2. Выберыце са спісу сетку «BELPOST Wi-Fi»;
3. Увядзіце нумар свайго мабільнага тэлефона;
4. Дачакайцеся SMS з паролем для доступу ў інтэрнэт;
5. Атрыманы пароль увядзіце ва ўказаным полі.

Нагадаем, што паслуга па бясплатным доступе ў сеціва інтэрнэт даступная і ў іншых аддзяленнях паштовай сувязі рэспублікі. Гэтыя аддзяленні паштовай сувязі абазначаны спецыяльнымі інфармацыйнымі стыкерамі.