Па старонках гісторыі беларускай пошты: запрашаем у абноўлены гісторыка-інфармацыйны цэнтр сувязі.

У пачатку 2017 г. адкрыў свае дзверы абноўлены і кардынальна памяняўшы сваё аблічча гісторыка-інфармацыйны цэнтр сувязі. Яго сучасныя інтэр’еры і маштабныя экспазіцыі адлюстроўваюць знамянальныя вехі развіцця сувязі ў рэспубліцы, у прыватнасці знаёмяць наведвальнікаў з гісторыяй пошты, з канкрэтнымі ўдзельнікамі працоўных перамог і дасягненняў нашай галіны.

Паштовая сувязь з’яўляецца прагрэсіўнай вынаходкай чалавецтва, якія адносяцца да глыбокай старажытнасці. Хтосьці прыручыў каня, хтосьці вынайшоў кола, праклаў дарогу, хтосьці прыдумаў пошту, пісьмо, паштовую скрыню, марку … паклаў пачатак арганізацыі паштовай сувязі. Пошта патрэбна ўсім — і дзяржаве, і кожнаму з нас. Яна скарачае любыя адлегласці, збліжае людзей і цэлыя народы, дапамагае вырашаць дзяржаўныя і асабістыя пытанні.

Стварэнне нагляднай гістарычнай экспазіцыі паштовай сувязі — ганаровая і не простая місія. Важна адпавядаць духу часу, пашыраючы далягляд наведвальнікаў, перадаючы ім цікавыя факты пра станаўленне і развіццё паштовай галіны.

Фарміраванне калекцыі гісторыка-інфармацыйнага цэнтра сувязі пачалося больш за 30 гадоў таму. Ля вытокаў стаялі шматлікія энтузіясты-сувязісты, у тым ліку і намеснік міністра сувязі БССР М. Дехта. У зборы ўнікальных экспанатаў прымалі ўдзел ініцыятыўныя і захопленыя ідэяй работнікі прадпрыемстваў сувязі, жыхары Мінска і іншых гарадоў.

Для звесткі, у цяперашні час агульная калекцыя цэнтра налічвае каля 1000 экспанатаў. У экспазіцыі адлюстраваны розныя этапы эвалюцыі сродкаў сувязі і метадаў апрацоўкі інфармацыі. Асаблівае месца адведзена з’яўленню паштовай сувязі.

У цэнтры можна азнаёміцца з папярэднікамі пісьмаў — так званымі прадпісьмамі — вузельчыкавымі, піктаграфічнымі і іерагліфічнамі, убачыць копіі першых пісьмовых дакументаў перыяду «Аповесці мінулых гадоў» і берасцяных грамат. Адлюстравана роля стваральнікаў славянскай азбукі — Кірыла і Мяфодзія.

Таксама ўвазе наведвальнікаў гісторыка-адукацыйнага цэнтра цікава і пазнавальна прадстаўлена эпоха вынаходкі электрычнасці, з’яўлення тэлеграфа, тэлефона і радыё, якія дазваляюць аператыўна перадаваць інфармацыю ў любым аб’ёме на любыя адлегласці.

Галерэяй артэфактаў прадстаўлены перыяд пасляваеннага аднаўлення народнай гаспадаркі ў сталіцы і аддаленых раёнах рэспублікі.

Нябачная нітка далучае кожнага наведвальніка цэнтра ў свет ажывелай гісторыі, выклікаючы непадробную цікавасць і захапленне.

Абноўленая экспазіцыя паштовай сувязі чакае сваіх наведвальнікаў па адрасе: г. Мінск, пр. Пераможцаў, 123.