РУП «Белпошта» павіншавала кліентаў з Сусветным днём моладзі

10 лістапада ва ўсім свеце адзначаецца Сусветны дзень моладзі. Гэта свята адкрыццяў і рэалізацыі самых смелых надзей, творчасці і натхнення, энергіі і самасцвярджэння, любові і рамантыкі. Сусветны дзень моладзі адзначаюць людзі ўсіх узростаў, бо юнацтва і маладосць — гэта не толькі выдатныя перыяды ў жыцці кожнага з нас, але і стан душы.

У дзень святкавання Сусветнага дня моладзі спецыялісты РУП «Белпошта» правялі святочнае прома-мерапрыемства ў выдзеленых аддзяленнях паштовай сувязі рэспублікі.

Кліенты змаглі атрымаць цэлы веер яркіх картак для посткросінга з невялікай умовай — трэба было здзейсніць куплю паштовай прадукцыі на суму больш за 7 рублёў.

Посткросінг — гэта міжнародны онлайн-праект, мэтай якога з’яўляецца абмен паштовымі карткамі і маркамі паміж людзьмі з розных куткоў планеты. Да папулярнага руху падключыліся тысячы беларусаў, наша краіна ўвайшла ў дзясятку сусветнага рэйтынгу прыхільнікаў посткросінга. Гэта не толькі выдатная магчымасць сабраць унікальную калекцыю картак, пазнаёміць са сваёй краінай, даведацца пра славутасці розных краін, але і выдатны спосаб знайсці новых сяброў.

У святочным прома-мерапрыемстве «Сусветны дзень моладзі» прынялі ўдзел сотні кліентаў. У г. Мінску кліентаў са святам павіншавалі ў будынку сталічнага паштамта, а таксама ў аддзяленнях паштовай сувязі № 59 на вуліцы Панчанкі, 60 і № 66 на вуліцы Ташкенцкая, 16.

Мерапрыемства прыемна здзівіла і парадавала беларусаў, стала для іх выдатнай магчымасцю перадаць «прывітанне» сябрам і знаёмым, напісаць цёплыя словы на паштовых картках, якія спецыялісты РУП «Белпошта» клапатліва даставяць адрасатам. Бо нават у 21 стагоддзі па-ранейшаму прыемна атрымаць напісанае ад рукі пасланне!

У рамках прома-мерапрыемствы «Сусветны дзень моладзі» кліенты таксама змаглі азнаёміцца з навагоднімі прапановамі РУП «Белпошта», набыць святочную паштовую прадукцыю на кірмашах-продажах, а таксама аформіць заказ на навагоднюю паслугу «Віншаванне Дзеда Мароза».

РУП «Белпошта» актыўна падтрымлівае рух посткросінг, дызайнеры выдавецкага цэнтра «Марка» прадпрыемства пастаянна прапануюць нешта ўнікальнае і асаблівае і дэманструюць гэта ў новых сюжэтах. З 2009 года "Белпошта" выпусціла больш за 700 сюжэтаў паштовых картак на розныя тэмы: «Фауна і флора Беларусі", "Беларуская народная вопратка", "Беларускія рамёствы», «Святы і абрады беларусаў», «Мастацтва», «Дзіцячыя малюнкі» … Для посткросераў і проста аматараў паштовак і картак прадпрыемства прапануе шырокі асартымент прадукцыі ў інтэрнэт-магазіне shop.belpost.by.

Віншуем усіх кліентаў з Сусветным днём моладзі і дзякуем за ўдзел у прома-мерапрыемстве!