Адміністрацыйны Савет Сусветнага паштовага саюза прыняў рашэнне аб абранні Рэспублікі Беларусь намеснікам старшыні 26-га Сусветнага паштовага Кангрэса

У рамках падрыхтоўкі да 26-га Сусветнага паштовага кангрэса (19 верасня-7 кастрычніка 2016, г. Стамбул) у перыяд з 8 па 26 лютага 2016 года ў штаб-кватэры Сусветнага паштовага саюза (СПС), г. Берн, Швейцарыя, прайшла сумесная сесія Адміністрацыйнага савета (АС) і Савета паштовай эксплуатацыі (СПЭ) СПС 2016 года. Былі разгледжаны праекты КАНГРЭС-дакументаў, заслуханы справаздачы рабочых груп і камісій, выпрацавана пазіцыя краін і рэгіёнаў па асобных пытаннях, што тычацца аплаты, рэгламентаў і тэхналогій.

У перыяд з 22 па 26 лютага 2016 года прайшлі сходы і Пленарныя пасяджэнні Адміністрацыйнага Савета, у працы якіх прыняла ўдзел дэлегацыя РУП «Белпошта» на чале з генеральным дырэктарам Саксонавай Ірынай Ігнацьеўнай. У ходзе пленарнага пасяджэння былі разгледжаны важныя для паштовай дзейнасці пытанні:

• чатырохгадовая справаздача аб рэалізацыі Дохаўскай паштовай стратэгіі Міжнародным бюро;
• Стамбульская сусветная паштовая стратэгія на 2017-2020 гады;
• Праект Стамбульскага плана дзеянняў на 2017-2020 гады;
• прапановы СПЭ аб унясенні паправак у Рэгламент пісьмовай карэспандэнцыі, Рэгламент паштовых пасылак і Рэгламент паштовых аплатных паслуг;
• прапановы СПЭ аб унясенні паправак у Акты Сусветнага паштовага саюза;
• прадстаўлены справаздачы ўсіх Камітэтаў і Рабочых груп СПЭ;
• асветлены пытанні запланаваных змен у сістэму аплаты канцавых расходаў, сухапутных долей тарыфу;
• абмеркаваны арганізацыйныя пытанні па правядзенні пасяджэнняў падчас Кангрэса.

Таксама былі разгледжаны планы дзейнасці паштовых аператараў на наступны 4-гадовы перыяд па наступных пытаннях:

• інавацыя (развіццё ў кірунку мадэлі, якая ўключае ў сябе такія новыя прадукты і паслугі назначаных аператараў, як электронная камерцыя, фінансавыя і іншыя паслугі);
• інтэграцыя сетак на нацыянальным, рэгіянальным і глабальным узроўні (мадэрнізацыя і інтэграцыя партфеля прадуктаў СПС, а таксама ўмацаванне інтэграцыі ланцугу паставак для авіяперавозак, мытнай службы і бяспекі паміж прызначанымі аператарамі, павышэнне якасці паслуг, эфектыўнасць і надзейнасць лагістычнай сеткі, распрацоўка стандартаў і інфакамунікацыйных тэхналогій — ІКТ, бесперабойнасць эксплуатацыйных працэсаў і выкарыстанне нарматыўна-прававых палажэнняў).

Шмат дыскусій і абмеркаванняў выклікала пытанне рэформы саюза.

Адміністрацыйны Савет разгледзеў і зацвердзіў дакумент АС 2016.1-Док 10С. Дадатак 1. Вызначэнне краін-членаў, якія могуць выконваць функцыі намеснікаў старшыні Кангрэса, старшыняў і намеснікаў старшыняў Камісій і/або быць сябрамі камісій абмежаванага складу.

У адпаведнасці з прынятым Адміністрацыйным Саветам па гэтым дакуменце рашэннем Беларусь абрана намеснікам старшыні 26-га Сусветнага паштовага Кангрэса!

Гэта ганаровае права прадстаўлена нашай краіне ўпершыню.