Ад імені РУП «Белпошта» вядзецца спам-рассылка электронных лістоў са шкодным ПЗ

Паважаныя кліенты!

Злачынцы ад імя нацыянальнага аператара паштовай сувязі РУП «Белпошта» рассылаюць на электронную пошту паведамленні са шкодным праграмным забеспячэннем.

На сённяшні дзень зафіксаваны выпадкі спам-рассылак, якія распаўсюджваюцца пры дапамозе электроннай пошты ў сеціве інтэрнэт. Лісты змяшчаюць шкоднае праграмнае забеспячэнне і адпраўляюцца нібы ад імя РУП «Белпошта».

У сувязі з гэтым паведамляем, што адпраўка спам-паведамленняў ажыццяўляецца з адрасоў электроннай пошты, якія не маюць да РУП «Белпошта» ніякага дачынення. Каб пазбегнуць заражэння сваіх камп’ютараў, заклікаем кліентаў не адкрываць лісты з сумнiўным зместам ад невядомых адрасатаў.

Таксама дадаткова інфармуем, што нумары тэлефонаў (8 017 293 50010, факс 226 00 70), названыя ў спам-рассылцы, не належаць паштоваму аператару.

Нагадваем, што ў нацыянальнага аператара паштовай сувязі РУП «Белпошта» зарэгістравана даменнае імя belpost.by.

Прыклад спам-паведамлення: