Сумесны выпуск Беларусі і Пакістана. Нацыянальныя паркі

 

5 кастрычніка 2016 года Міністэрства сувязі і інфарматызацыі Рэспублікі Беларусь выпускае ў абарачэнне дзве паштовыя маркі з серыі «Сумесны выпуск Беларусі і Пакістана».

 

Маркі друкаваліся ў РУП «Бабруйская ўзбуйненая друкарня імя А. Ц. Непагодзіна».

 

Дызайн маркі № 1156 А.Мядзведзь (фота С.Плыткевіча), маркі № 1157 — А.Салахуддзіна.

 

Нацыянальны парк «Нарачанскі» размешчаны на паўночным захадзе Беларусі і з’яўляецца часткай Беларускага Паазер’я. Створаны ў 1999 годзе для захавання ландшафтаў, біялагічнага багацця і генетычнага фонду расліннага і жывёльнага свету.

 

Нацыянальны парк «Сайфул-Мулук» размешчаны ў правінцыі Хайбер-Пахтунхва Пакістана. Заснаваны ў 2003 годзе для захавання дзікай прыроды ў натуральным стане. Уключае ў сябе горныя хрыбты і возера Сайфул-Мулук — адно з самых высакагорных у краіне, зімой яго паверхню цалкам скоўвае лёд.

 

Праект падрыхтаваны ў супрацоўніцтве з Пасольствам Рэспублікі Беларусь у Ісламскай Рэспубліцы Пакістан.

 

У дзень выпуску паштовых марак у абарачэнне ў аддзяленні паштовай сувязі № 1 Мінска (магазін «Філатэлія», вул. Маскоўская, 16) і ў Ісламабадзе (Пакістан) будуць праводзіцца спецыяльныя гашэнні на канверце «Першы дзень».

 

З больш падрабязнай інфармацыяй можна азнаёміцца тут.