Пресса о нас / 10.02.09

Газета «Звязда» Звяздоўскія прызы - руплівым паштальёнам! (№24 за 10 февраля 2009 года)

Паводле любiмай кнiжкi (тлумачальнага слоўнiка беларускай мовы), руплiвы, значыць, той, хто iмкнецца зрабiць як мага больш i лепш, дбайны.

Менавiта для таго, каб вызначыць iх — паштальёнаў, якiя актыўна прапагандуюць нашу газету, каб мець магчымасць неяк аддзячыць iм за працу, "Звязда" заснавала летась рэкламную гульню.

Самае прыемнае, што (па словах Валянцiны Канстанцiнаўны Коваль з АПС Дварэц Лунiнецкага раёна), нiхто з новых падпiсчыкаў (а iх тут 16!) не пашкадаваў аб зробленым выбары, не адмовiўся ад сяброўства з найстарэйшай беларускай газетай. Марыя ж Канстанцiнаўна Савiна, Алена Iванаўна Ванюк, Соф’я Васiльеўна Данiловiч, Мiкалай Васiльевiч Кiндрук i iншыя выпiсваюць "Звязду" ўжо не адно дзесяцiгоддзе.

Хочацца верыць, што такiх жа адданых прыхiльнiкаў — роднай газеты на роднай мове — "Звязда" набыла (i будзе набываць!) з лёгкай рукi руплiвых паштальёнаў. Лепшымi сярод iх прызнаны i ўзнагароджаны пыласосамi SАMSUNG узнагароджаны Валянцiна Канстанцiнаўна Коваль з АПС Дварэц Лунiнецкага раённага вузла паштовай сувязi (РВПС), Вольга Уладзiмiраўна Ларына, з ГАПС № 15 Полацкага РВПС (так трымаць! Гэта ўжо другая перамога паштальёна ў звяздоўскай гульнi!), Аксана Пятроўна Карась з АПС №1 г. Лельчыцы, Валянцiна Антонаўна Драгун з АПС Дзембрава Шчучынскага РВПС, Антанiна Iрэнардаўна з АПС № 26 г. Магiлёва i Святлана Уладзiмiраўна Цiшкевiч з АПС № 1 г. Беразiно.

Другiм па значнасцi прызам — электрачайнiкамi — адзначаны Марыя Iванаўна Хлуд з АПС Вулька-другая, што на Лунiнеччыне, Зоя Уладзiмiраўна Кнiга з АПС Цяглевiчы (Зэльвеншчына), Вольга Васiльеўна Лукашанец з АПС Яршэвiчы (Валожыншчына). Звяздоўскi гадзiннiк будзе ўручаны Вользе Iванаўне Талмачовай, паштальёну АПС № 5 г. Iвацэвiчы.

Што датычыцца халадзiльнiка "Атлант", то ён, пакуль, застаецца ў рэдакцыi. I, мiж iншым, шукае гаспадыню. Сярод руплiвых паштальёнаў.