Творчае спаборнiцтва праводзiцца з 1 красавiка па 30 лiстапада бягучага года ў чатыры этапы. Чарговы этап завершыцца 30 верасня. Апошнi будзе праходзiць з 1 кастрычнiка па 30 лiстапада. Узяць удзел у конкурсе могуць грамадзяне нашай краiны цi iншых дзяржаў, якiя дасягнулi 14-гадовага ўзросту. Запоўненую анкету неабходна ўкласцi ў падпiсаны канверт (пазначыць цалкам прозвiшча, iмя i iмя па бацьку, дату нараджэння, поўны адрас, кантактны тэлефон) i даслаць па пошце заказным лiстом на адрас: РУП "Белпошта" а/с № 387, 220050, г. Мiнск-50, з адзнакай "На конкурс". Вынiкi вiктарыны размяшчаюцца на сайце www.belpost.by, а таксама ў друкаваных СМІ. Дарэчы, сярод прызёраў 2-га этапу конкурсу аказаўся чытач "Звязды" Сяргей Жыдзель, жыхар горада Iўе Гродзенскай вобласцi. Вiншуем!