Пресса о нас / 26.11.11

Газета «Звязда» «Газета, якая стараецца дапамагчы» (№226 за 26 ноября 2011 года)

У рэспубліканскі дзень падпісчыка у паштовым аддзяленні № 15 Віцебска наведнікаў было шмат: побач цэнтральная плошча, на ёй якраз ставілі галоўную ёлку. І тым самым нагадвалі, што самы час рыхтавацца да Новага года — у тым ліку і падпісвацца на любімыя выданні.

Нехта ішоў на пошту менавіта для гэтага, нехта заходзіў выпадкова і быў прыемна здзіўлены тым, што працавалі фірмовыя стэнды газет, раздаваліся прызы. Да таго ж тут можна было пазнаёміцца з журналістамі і рэдактарамі, задаць канкрэтныя пытанні, выказаць свае праблемы, думкі. Што гаварылі пра "Звязду"? Што яна радуе фотаздымкамі і рубрыкамі: "Праверана на сабе", "Зваротная сувязь", "Пытальнік", што заўсёды стараецца дапамагчы людзям вырашыць нейкую жыццёвую праблему.

Прэзентаваць газету дапамагала абаяльнаяінструктар аддзела распаўсюджвання друку Віцебскага філіяла РУП "Белпошта" Алена Навуменка.А падпіскай сярод іншых зацікавілася Алена Казіміраўна Вінаградава — наша чытачка з… Мінскай вобласці. У Віцебск яна, як расказала, прыехала ў госці. І ёй "Звязда" падабаецца за аператыўную падачу навін, за цікавыя красворды.

Рэпартаж з дня падпісчыка здымала вельмі папулярная мясцовая тэлекампанія "Скіф". Таму супрацоўнікам пошты, яе кліентам, падпісчыкам газет, безумоўна, прыемна было ўбачыць сябе ў чарговым выпуску навін. Што да вынікаў падпіскі, то хочацца верыць, што не здрадзяць сваёй любімай газеце, скажам так, старыя падпісчыкі. І з'явяцца новыя!