Газета «Звязда» Новыя прызы — сталым падпісчыкам (№191 за 6 октября 2011 года)

Учора ў сценах рэдакцыі прайшоў традыцыйны штоквартальны розыгрыш прызоў па выніках падпіскі на 4-ы квартал 2011 года.

Як і раней, вяршыцелямі лёсу людзей, якія засталіся са "Звяздою" як мінімум яшчэ тры месяцы, сталі нашы госці. На гэты раз каштоўныя прызы знайшлі сваіх новых уладальнікаў з лёгкай рукі інструктара РУП "Белсаюздрук" Кацярыны Сілівончык, старшага інспектара па агітацыі і прапагандзе аддзела ДАІ Кастрычніцкага РУУС г. Мінска Вікторыі Царук і начальніка аддзела дагаварной работы Упраўлення распаўсюджвання друкаваных СМІ РУП "Белпошта" Кацярыны Літвяненкі (на фота злева направа).

Падрабязнасці розыгрышу і спісы пераможцаў — у бліжэйшым нумары газеты.

Газета «Звязда» (№191 за 6 кастрычніка  2011 года)