Газета «Звязда» «Белпошта» можа быць акцыянiравана (№191 за 6 октября 2011 года)

Аб гэтым паведамiла журналiстамгенеральны дырэктар прадпрыемства Ірына Саксонава, перадае БЕЛТА.

Паводле яе слоў, паштовая галiна мае патрэбу ў рэфармаваннi. Цяпер у Беларусi працуюць мiжнародныя эксперты Сусветнага паштовага саюза, якiя дапамогуць сфармiраваць комплексны план рэформы i развiцця паштовай сувязi ў рэспублiцы. Прычым размова ў гэтым выпадку iдзе не толькi аб РУП "Белпошта", але i аб усiм паштовым сектары краiны ў цэлым.

"Белпошта" гатова вярнуцца да мiжнародных пераводаў у беларускiх рублях пасля выхаду на адзiны валютны курс

Цяпер "Белпошта" прымае грашовыя пераводы ў 22 краiны свету. Аднак у сувязi з пагаршэннем сiтуацыi на валютным рынку Беларусi ў красавiку бягучага года паштовая арганiзацыя прыняла рашэнне спынiць прыём мiжнародных грашовых пераводаў у беларускiх рублях. "РУП "Белпошта" не магло сабе дазволiць працаваць на страту, таму спынiла прыём мiжнародных грашовых пераводаў у беларускiх рублях, за выключэннем сацыяльных плацяжоў", — адзначыла гендырэктар.

Аднак, паколькi цяпер прымаюцца меры па стабiлiзацыi сiтуацыi ў валютнай сферы, "Белпошта" разглядае магчымасць вярнуцца да мiжнародных грашовых пераводаў у беларускiх рублях. Адпаведнае рашэнне будзе прынята, калi курс Нацыянальнага банка зраўнуецца з курсам на бiржавых таргах.

"Калi цяпер "Белпошта" прыме мiжнародны грашовы перавод у беларускiх рублях, напрыклад у Маскву, то суму пераводу неабходна будзе сканверсаваць у расiйскiя рублi па курсу Нацыянальнага банка на дзень прыёму пераводу, — прывяла прыклад Iрына Саксонава. — У гэтым выпадку мы панясём iстотныя страты. Гэтага мы сабе дазволiць не можам".

Газета «Звязда» (№191 за 6 кастрычніка  2011 года)