Газета «Звязда» Лепшых паштальёнаў і работнікаў «Саюздруку» чакаюць прызы! (№89 за 17 мая 2011 года)

Рэдакцыя газеты "Звязда" ў чарговы раз праводзіць конкурс "Прыз — рупліваму паштальёну" на лепшую арганізацыю падпіскі на газету "Звязда".

Умовы конкурсу тыя ж, што і раней, — прызамі будуць узнагароджаны па тры лепшыя паштальёны з кожнай вобласці і горада Мінска, у якіх рост колькасці падпісчыкаў на другое паўгоддзе 2011 года (але не менш чым на тры месяцы) склаў не менш як 7 чалавек.

• лепшыя паштальёны выйграюць у якасці прыза па адной кухоннай электрычнай машыне "Белвар" КЭМ-36/220-4-24, г. Мінск, коштам 193 690 рублёў (з улікам ПДВ);
• паштальёны, якія занялі другое месца, выйграюць па адным электрафене "Віцязь 733" коштам 74 000 рублёў (з улікам ПДВ);
• паштальёны, якія занялі трэцяе месца, выйграюць па адным электрачайніку Pollі-N з сігналам коштам 70 760 рублёў (з улікам ПДВ).

Розыгрыш прызоў — 10 жніўня 2011 года.

Звяздоўскімі прызамі — грашовымі прэміямі ў суме 100 000 рублёў — будуць узнагароджаны таксама па адным лепшым (па выніках рэалізацыі нашай газеты ў першым паўгоддзі 2011 года) кіяскёру або работніку спецыялізаванага гандлёвага пункту РУП "Белсаюздрук", РУП "Брэстаблсаюздрук", РУП "Віцебскаблсаюздрук", РУП "Гомельаблсаюздрук", РУП "Гроднааблсаюздрук", ААТ "Магілёўсаюздрук", РУП "Мінскаблсаюздрук".

Інфармацыю пра лепшых работнікаў чакаем
да 9 жніўня 2011 года.