Газета «Звязда» Лепшыя сябры газеты — падпісчыкі і ... / 04.04.11

Пресса о нас / 04.04.11

Газета «Звязда» Лепшыя сябры газеты — падпісчыкі і сувязісты (№61 за 2 апреля 2011 года)

Кампанія ўручэння звяздоўскіх прызоў працягваецца, як і ўвесь час працягваецца падпіска на газету. І мы заўсёды рады новым сябрам "Звязды", як і пастаянным яе прыхільнікам. Такім, напрыклад, як Святлана Андрэеўна Некраш з Брэста. Яна выйграла ў нашай гульні электрачайнік і зазірнула ў карпункт яго атрымаць, ну і, вядома, пазнаёміцца. Былая настаўніца хіміі, Святлана Андрэеўна аказалася чалавекам надзвычай сціплым. Яна сказала, што ў сям'ю газета прыходзіць больш за 20 гадоў. Раней выпісваў муж, выкладчык універсітэта. А калі яго не стала, яна выпісвае нават у памяць аб ім. Ды і сама прывыкла да выдання. А тут яшчэ цудоўная магчымасць дакрануцца да роднай мовы.

Таксама ў нас ёсць традыцыя — адзначаць падарункамі руплівых паштальёнаў, тых, якія дабіваюцца найбольшай прыбаўкі ў тыражы газеты. Таму ў Драгічын я ехала на сустрэчу з Галінай Ткачук. Але Галіна Сцяпанаўна аказалася… не паштальёнам, а аператарам сувязі. Менавіта яна з усіх работнікаў свайго вузла паштовай сувязі падпісала найбольш людзей на "Звязду".

— Працую з кліентамі, — расказвае Галіна Ткачук, — выконваю розныя аперацыі, заадно газеты рэкламую, пра падпіску расказваю. А яшчэ пасля работы з суседзямі, знаёмымі ды і проста жыхарамі дамоў сваёй вуліцы вяду тлумачальную работу наконт таго, як добра, калі газета штодня прыходзіць дадому.

Галіна Ткачук — вопытны сувязіст. Пасля заканчэння Брэсцкага вучылішча сувязі ўжо 20 гадоў працуе на пошце. Працу сваю ведае, таму і дабіваецца поспехаў.

Газета «Звязда» (№61 за 2 апреля 2011 года)