Газета «Звязда» «Лепшая паштовая марка Рэспублікі Беларусь 2010 года» (№54 за 24 марта 2011 года)

Рэспубліканскае ўнітарнае прадпрыемства паштовай сувязі "Белпошта" паведамляе, што з 14 лютага па 14 сакавіка 2011 года праводзіўся конкурс "Лепшая паштовая марка Рэспублікі Беларусь 2010 года".

Усяго атрымана 1534 анкеты аб лепшай паштовай марцы 2010 года. Па выніках конкурсу вызначаны лепшы паштовы выпуск Рэспублікі Беларусь 2010 года. Ім стаў паштовы блок "Прызёры Гульняў ХХІХ Алімпіяды ў Пекіне". Мастацкае афармленне паштовага блока — Аляксей Нікалаеўскі. Другое месца — блок "Мірскі замак" (233 галасы), трэцяе — блок "65-годдзе Перамогі ў Вялікай Айчыннай вайне" (170 галасоў). РУП "Белпошта" дзякуе ўсім за ўдзел у апытанні і за прапановы, выказаныя ў анкетах. Згодна з умовамі конкурсу, удзельнікі апытання, якія даслалі лісты з правільна запоўненай анкетай і назвалі марку-пераможцу, будуць узнагароджаны адным гадавым абанементам на паштовыя маркі Рэспублікі Беларусь, 10 тэматычнымі камплектамі паштовых марак і 200 наборамі філатэлістычнай прадукцыі.

Газета "Звязда" от 24.03.2011 №54