Газета «Звязда» «Звязда» такая маляўнічая! (№118 за 19 июня 2010 года)

Дзень падпісчыка ў Гомелі праходзіў на базе аддзялення сувязі № 50, якое знаходзіцца ў самым цэнтры Гомеля. Пастаянныя чытачы перыядычных выданняў ведаюць пра гэты дзень і многія скарысталіся магчымасцю, каб менавіта тут і зараз падпісацца на сваю газету, і атрымаць сувенірную прадукцыю з рук аўтараў друкаваных СМІ. Тры гады як Ганна Рыгораўна Чарнова стала падпісчыцай "Звязды". У дзень падпісчыка яна адразу ўпэўнена накіравалася да століка з нашым выданнем. Зразумела, зацікавіла, што ёй у нашым выданні падабаецца.

— Газета падабаецца тым, што ў ёй я знаходжу вельмі шмат адказаў на тыя пытанні, якія мяне хвалююць. І потым, яна такая маляўнічая і прыгожая! Мяне гэта толькі радуе.

Ганна Рыгораўна дадала, што і яе 14-гадовы ўнук любіць чытаць газету, якую выпісвае бабуля. Яму і дастанецца бейсболка з нашым лагатыпам, якую з задавальненнем прымерала перад фотакамерай наша пастаянная чытачка.

Газета «Звязда» (№118 за 19 июня 2010 года)