Пресса о нас / 23.12.09

Газета «Звязда» Паважаюць ЗВЯЗДУ за... нестандартны падыход (№243-244 за 23 декабря 2009 года)

— Я люблю "Звязду" за тое, што яна вельмi насычаная па змесце. Журналiсты стараюцца знайсцi нестандартны падыход да асвятлення тэмаў, — такiмi думкамi пра "Звязду" падзялiўся наш чытач з ВiцебскаВалерый Мiкалаевiч Спаткай. Ён зайшоў на пошту аплацiць камунальныя паслугi i нечакана для сабе трапiў у госцi да прадстаўнiкоў "Звязды" падчас прэзентацыi нашай газеты. — Падабаецца як пiшуць Ларыса Цiмошык, Вiкторыя Целяшук, Валянцiна Доўнар, шмат iншых аўтараў. Уладзiмiр Здановiч аператыўна асвятляе галоўныя мiжнародныя спартыўныя падзеi. Вельмi цiкава чытаць артыкулы пра тое, як захаваць здароўе. Падабаецца рубрыка пра аграгарадкi, што выходзiць пры падтрымцы МТС. Хочацца, дарэчы, каб людзям старэйшага пакалення больш тлумачылi пра магчымасцi аплаты тых жа камунальных паслуг пры дапамозе мабiльнiка.

Сваiмi ўражаннямi ад газеты падзялiўся iiнспектар аддзялення па iдэалагiчнай рабоце i кадрах Вiцебскага абласнога ўпраўлення "Ахова" Сяргей Панiмашчанка.

— Сярод супрацоўнiкаў "Аховы" нямала падпiсчыкаў "Звязды", — кажа ён. — Добра, што ў "Звяздзе" цяпер выходзiць спецыяльная ўкладка, прысвечаная дзейнасцi "Аховы". Мiлiцыянерам — героям артыкулаў прыемна прачытаць пра сябе, паказаць газету сваякам, сябрам. "Звязда" аператыўна пiша пра тое, што адбылося ў краiне. У лепшы бок змянiлася ўкладка "Чырвоная змена".

Арганiзаваць сустрэчу з чытачамi нам вельмi дапамаглiдырэктар Вiцебскага фiлiяла РУП "Белпошта" Сяргей Максак, начальнiк аддзела распаўсюджвання друку Таццяна Руткiс, iншыя работнiкi пошты. За што мы iм шчыра ўдзячныя.

— У газеты ёсць свой твар, свая адметнасць, — расказваеначальнiк аддзела iдэалагiчнай работы Вiцебскага гарвыканкама Дзянiс Глуткiн.- Хочацца, каб у наступным годзе — юбiлейным годзе Перамогi больш расказвалася пра ветэранаў, якiх засталося няшмат.