Газета «Звязда» Тарыфы на паслугi паштовай сувязi ў Беларусi будуць павышаны ў сярэднiм на 10 % (№240 за 18 декабря 2009 года)

У Беларусi тарыфы на паслугi паштовай сувязi агульнага карыстання, якiя аказваюцца насельнiцтву, юрыдычным асобам i iндывiдуальным прадпрымальнiкам, будуць павышаны ў сярэднiм на 10%, тарыфы на паслугi электрасувязi — у сярэднiм на 6,2%. Гэта прадугледжана пастановай Мiнiстэрства эканомiкi

№ 197, паведамiлi ў прэс-службе Мiнэканомiкi.

"Неабходнасць павышэння тарыфаў на паслугi паштовай сувязi i электрасувязi агульнага карыстання абумоўлена iх стратнасцю", — патлумачылi ў Мiнэканомiкi. Па вынiках працы за 10 месяцаў гэтага года ўзровень кампенсацыi даходамi затрат на аказанне паслуг мясцовай тэлефоннай сувязi складае 58,7%, радыёфiкацыi — 29,4%, паслуг па перасылцы простага пiсьма — 70%, перасылцы паштовай карткi — 56,5% i г.д.

Пастанова № 197 уваходзiць у сiлу пасля яе афiцыйнага апублiкавання. Тарыф на перасылку карткi павялiчыцца на Br20 i складзе Br230, тарыфы на перасылку простага пiсьма i простай бандэролi ўзрастуць на Br30 i складуць Br290. Абанементная плата для насельнiцтва за карыстанне тэлефонам на сетках, пераведзеных на пачасовую сiстэму аплаты, павышана на Br440 i ўстаноўлена ў памеры Br2400 у месяц. Карыстанне тэлефонам на сетках, не пераведзеных на пачасовую сiстэму аплаты, падаражэе на Br520 рублёў да Br3600 у месяц. Новая абанементная плата за радыёкропку складзе Br650 у месяц.

Пры гэтым узровень тарыфаў за мясцовыя i мiжгароднiя тэлефонныя размовы, устаноўку тэлефона i паслугi тэлеграфа засталiся на ранейшым узроўнi.

Газета «Звязда» (№240 за 18 декабря 2009 года)