Газета «Звязда» Белпошта выпусцiла мастацкi канверт, прысвечаны VІ Нацыянальнай выставе Рэспублiкi Беларусь у Лiтве (№175 за 17 сентября 2009 года)
Рэспублiканскае ўнiтарнае прадпрыемства УА "Белпошта" выпусцiла мастацкi канверт з арыгiнальнай маркай, прысвечаны VI Нацыянальнай выставе Рэспублiкi Беларусь у Лiтоўскай Рэспублiцы "БеларусьЭкспа-2009". Яна пройдзе ў сталiцы суседняй дзяржавы з 16 да 19 верасня. На канверце сталiчныя мастакi Яўген Сiманенка, Iван Лукiн адлюстравалi сiлуэты старажытных кварталаў Мiнска i Вiльнюса.
Як паведамiлi ў РУП "Белпошта", распрацаваны i памятны спецштэмпель, якi будзе выкарыстоўвацца ў час правядзення спецыяльнага гашэння ў днi працы выставы. Намiнал маркi "А" на мастацкiм канверце адпавядае тарыфу перасылкi простага лiста ў межах Рэспублiкi Беларусь.