Пресса о нас / 08.06.09

Газета «Звязда» Халадзільнік «Атлант» - у надзейныя рукі (№103 за 6 июня 2009 года)

Газета "Звязда" працягвае радаваць сваiх падпiсчыкаў каштоўнымi прызамi, якiя былi выйграны па вынiках папярэдняй падпiсной кампанii.

Чарговы выезд "у людзi" быў звязаны з уручэннем халадзiльнiка "Атлант" нашай даўняй падпiсчыцы з Лельчыцаў Тамары Сасноўскай, а таксама насценнага гадзiннiка з лагатыпам "Звязды" паштальёну з Івацэвiчаў Вользе Талмачовай…

У вынiку мэтанакiраваная паездка ў Гомельскi i Брэсцкi рэгiёны ўключыла ў сябе яшчэ некалькi раёнаў Мiншчыны. Усяго — дзясятак пунктаў, дзе жывуць i працуюць нашы падпiсчыкi. Дадатковага адрэналiну ў кроў прыбавiла "фарсiраванне" Прыпяцi ў Петрыкаўскiм раёне. Праўда, гэта было назаўтра, калi звяздоўскi маршрут ляжаў на Брэстчыну з Лельчыцаў.

Зрэшты, яны апошнiм часам — у вялiкай "павазе" у фартуны. Год таму сюды з такой жа мiсiяй падпiсчыку быў дастаўлены каляровы тэлевiзар "Вiцязь", у сакавiку гэтага года работнiку паштовай сувязi — пыласос "Самсунг", i вось цяпер — суперпрыз.

На ўрачыстай сустрэчы, якая адбылася ў гарадской бiблiятэцы, спадарыня Сасноўская выказала шмат камплiментаў у адрас "Звязды", зазначыўшы, што ў газеце заўсёды ёсць што пачытаць, пачарпнуць шмат чаго карыснага для асабiстага жыцця. Напрыканцы Тамара Адамаўна сказала прысутным, што яна i далей будзе "сябраваць" са "Звяздой" i вельмi спадзяецца, што фартуна будзе ёй усмiхацца i дазволiць выйграць у латарэю, напрыклад, пыласос. Мiж тым удзельнiкi Дня падпiсчыка ў Лельчыцах маглi паказаць свае адмысловыя веды пра гiсторыю "Звязды" ў традыцыйнай вiктарыне i атрымаць памятныя прызы з лагатыпам газеты.

Можна не сумнявацца, што даспадобы прыйшоўся насценны гадзiннiк паштальёну АПС №5 г. Iвацэвiчы Вользе Талмачовай. Начальнiк раённага вузла сувязi Васiль Шляжко з задавальненнем уручыў прыз Вользе Iванаўне, якая працуе на прафесiйнай нiве амаль тры дзясяткi гадоў, пажадаўшы ёй яшчэ большых поспехаў у павелiчэннi колькасцi падпiсчыкаў на найстарэйшае найбеларускамоўнае выданне. А iмкнуцца ёсць куды: у новым конкурсе "Прыз — руплiваму паштальёну" на кон выстаўлены халадзiльнiк "Атлант".