21 лютага ў свеце адзначаўся Дзень роднай мовы. Свята было заснавана ў мэтах захавання моўнай і культурнай разнастайнасці ў свеце, падтрымкі нацыянальных моў і культур.
У гэты дзень у вылучаных аддзяленнях паштовай сувязі Брэсцкай, Віцебскай, Гомельскай, Гродзенскай, Магілёўскай і Мінскай абласцей, а таксама ў г. Мінску прайшло промамерапрыемства «Дзень роднай мовы».
У межах акцыі кліенты РУП «Белпошта» скарысталіся магчымасцю падпісаць і бясплатна адправіць маляўнічыя паштовыя карткі сваім блізкім па тэрыторыі Рэспублікі Беларусь. Дадзенае мерапрыемства стала выдатнай нагодай перадаць сваім родным і сябрам цёплае прывітанне і напісаць ім добрыя словы на беларускай мове.
У межах мерапрыемства наведвальнікам аддзяленняў паштовай сувязі нагадалі аб правільным адрасаванні, расказалі аб папулярным руху Postcrossing (посткросінг), расказалі аб магчымасці атрымання інфармацыі аб паслугах і навінках РУП «Белпошта» па Viber і e-mail, а таксама запрасілі прыняць удзел у дабрачыннай падпісцы «Падары дзіцяці радасць».