Новости филиала / 25.02.19

Гомельскі філіял РУП «Белпошта» правёў Дзень роднай мовы ў аддзяленнях паштовай сувязі

21 лютага ў свеце адзначаўся Дзень роднай мовы. Свята было заснавана ў мэтах захавання моўнай і культурнай разнастайнасці ў свеце, падтрымкі нацыянальных моў і культур.

У гэты дзень у вылучаных аддзяленнях паштовай сувязі Гомель-30 і Гомель-35 прайшло промамерапрыемства «Дзень роднай мовы».

У межах акцыі кліенты РУП «Белпошта» скарысталіся магчымасцю падпісаць і бясплатна адправіць маляўнічыя паштовыя карткі сваім блізкім па тэрыторыі Рэспублікі Беларусь.

У межах мерапрыемства наведвальнікам аддзяленняў паштовай сувязі нагадалі аб правільным адрасаванні, расказалі аб папулярным руху Postcrossing (посткросінг), расказалі аб магчымасці атрымання інфармацыі аб паслугах і навінках РУП «Белпошта» па Viber і e-mail, а таксама запрасілі прыняць удзел у дабрачыннай акцыі «Марафон дабра. Падары дзіцяці радасць».