Беларуская пажарная служба

20 ліпеня 2018 года Міністэрства сувязі і інфарматызацыі Рэспублікі Беларусь выпускае ў абарачэнне паштовую марку «Беларуская пажарная служба».

 

Дызайн Т.Кузняцовай.

 

Марка друкавалася ў РУП «Бабруйская ўзбуйненая друкарня імя А. Ц. Непагодзіна».

 

Беларуская пажарная служба вядзе сваю гісторыю з сярэдзіны XIX стагоддзя. За доўгія гады ў структуры шмат што змянілася, але прызначэнне засталося ранейшым — заўсёды ісці на дапамогу.

Сёння служба можа выконваць увесь спектр аварыйна-выратавальных работ: ад ліквідацыі пажараў да знішчэння аварый на нафта- і газаправодах. На ўзбраенні змагароў з агнём сучасныя сродкі пажаратушэння і маніторынгу надзвычайных сітуацый, большасць з якіх распрацавана і ўведзена ў эксплуатацыю айчыннымі спецыялістамі.

 

На марцы і канверце «Першы дзень» — эмблема Міністэрства па надзвычайных сітуацыях Рэспублікі Беларусь, у супрацоўніцтве з якім падрыхтаваны праект.

 

У дзень выпуску паштовай маркі ў абарачэнне ў аддзяленні паштовай сувязі № 1 Мінска (магазін «Філатэлія», вул. Маскоўская, 16) будзе праводзіцца спецыяльнае гашэнне на канверце «Першы дзень».

 

З больш падрабязнай інфармацыяй можна азнаёміцца тут.