500-годдзе беларускага кнігадрукавання

 

1 верасня 2017 года Міністэрства сувязі і інфарматызацыі Рэспублікі Беларусь выпускае ў абарачэнне паштовы блок «500-годдзе беларускага кнігадрукавання».

 

Мастак Т.Дольская.

Дызайн М.Віткоўскай.

 

Блок друкаваўся ў РУП «Бабруйская ўзбуйненая друкарня імя А. Ц. Непагодзіна».

 

Мінула шмат стагоддзяў, пакуль у Белаpyci з'явілася першая друкаваная кнiгa. Пачынальнікам кнігадрукавання сярод усходніх славян стаў Францыск Скарына, які ў 1517 годзе заснаваў у Празе друкарню і выдаў Псалтыр — першую друкаваную беларускую кнігу.

500-годдзе беларускага кнігадрукавання — дата сусветнай значнасці, унесеная ў Спіс памятных дат ЮНЕСКА.

 

Праект падрыхтаваны ў супрацоўніцтве з Нацыянальнай бібліятэкай Беларусі. У аснове маркі — старонка з Псалтыра.

 

У дзень выпуску паштовага блока ў абарачэнне ў аддзяленні паштовай сувязі № 1 Мінска (магазін «Філатэлія», вул. Маскоўская, 16) будзе праводзіцца спецыяльнае гашэнне на канверце «Першы дзень».

 

З больш падрабязнай інфармацыяй можна азнаёміцца тут.