25-годдзе ўсталявання дыпламатычных адносін паміж Рэспублікай Беларусь і Латвійскай Рэспублікай

 

19 ліпеня 2017 года Міністэрства сувязі і інфарматызацыі Рэспублікі Беларусь выпускае ў абарачэнне паштовую марку «25-годдзе ўсталявання дыпламатычных адносін паміж Рэспублікай Беларусь і Латвійскай Рэспублікай».

 

Марка друкавалася ў РУП «Бабруйская ўзбуйненая друкарня імя А. Ц. Непагодзіна».

 

Дызайн Т.Кузняцовай.

 

16 снежня 1991 года падпісана Дэкларацыя аб прынцыпах добрасуседскіх адносін паміж Рэспублікай Беларусь і Латвійскай Рэспублікай. Дыпламатычныя адносіны паміж дзвюма краінамі ўсталяваны 7 красавіка 1992 года.

За чвэрць стагоддзя развіцця беларуска-латвійскіх адносін створана дагаворна-прававая база, пашырылася рэгіянальнае супрацоўніцтва, усталяваны кантакты на міжурадавым і міжпарламенцкім узроўнях. Інтэнсіўна развіваюцца міжведамасныя кантакты па лініі міністэрстваў эканомікі, транспарту, сувязі, культуры, унутраных спраў, пагранічных і мытных службаў, сельскай гаспадаркі, аховы навакольнага асяроддзя, аховы здароўя. Наладжана ўзаемадзеянне паміж нацыянальнымі банкамі Беларусі і Латвіі, падпісаны мемарандум аб супрацоўніцтве.

 

Праект падрыхтаваны ў супрацоўніцтве з Пасольствам Рэспублікі Беларусь у Латвійскай Рэспубліцы.

 

У дзень выпуску паштовай маркі ў абарачэнне ў аддзяленні паштовай сувязі № 1 Мінска (магазін «Філатэлія», вул. Маскоўская, 16) будзе праводзіцца спецыяльнае гашэнне на канверце «Першы дзень».

 

З больш падрабязнай інфармацыяй можна азнаёміцца тут.