Сумесны выпуск Беларусі і Кыргызстана. Коні

 

30 чэрвеня 2017 года Міністэрства сувязі і інфарматызацыі Рэспублікі Беларусь выпускае ў абарачэнне дзве паштовыя маркі з серыі «Сумесны выпуск Беларусі і Кыргызстана».

 

Маркі друкаваліся ў РУП «Бабруйская ўзбуйненая друкарня імя А. Ц. Непагодзіна».

Дызайн А.Мядзведзь.

 

У сучасным свеце існуе вялікая колькасць парод коней, кожная з якіх мае сваё прызначэнне.

 

Тракененскі конь сваім з'яўленнем абавязаны працы ўсходнепрускіх навукоўцаў-селекцыянераў, якія стварылі моцную і цягавітую пароду для патрэб кавалерыі. Сёння гэта адзіная з усіх паўкроўных парод коней, якая разводзіцца ў чысціні.

 

Новакыргызскі конь з’явіўся ад старажытнага кыргызскага каня, захаваў усе яго лепшыя якасці (цягавітасць, непераборлівасць) і атрымаў дадатковыя перавагі: павелічэнне росту і вагі, а таксама паляпшэнне хуткасных характарыстык на спартыўных скачках.

 

Праект падрыхтаваны ў супрацоўніцтве з Рэспубліканскім цэнтрам алімпійскай падрыхтоўкі коннага спорту і конегадоўлі.

 

У дзень выпуску паштовых марак у абарачэнне ў аддзяленні паштовай сувязі № 1 Мінска (магазін «Філатэлія», вул. Маскоўская, 16) будзе праводзіцца спецыяльнае гашэнне на канверце «Першы дзень».

 

З больш падрабязнай інфармацыяй можна азнаёміцца тут.