25-годдзе першай беларускай паштовай маркі

 

Міністэрства сувязі і інфарматызацыі Рэспублікі Беларусь выпускае ў абарачэнне памятны спецштэмпель, які будзе выкарыстоўвацца 20 сакавіка 2017 года для правядзення спецыяльнага памятнага гашэння, прысвечанага 25-годдзю першай беларускай паштовай маркі.

 

Месца гашэння — Мінск-паштамт.

Колер масцікі — чырвоны.

Дызайн спецштэмпеля Я.Бядонік.

 

20 сакавіка 1992 года была выпушчана ў абарачэнне першая беларуская паштовая марка «Крыж Еўфрасінні Полацкай». Знакамітая рэліквія з'яўляецца адным з самых каштоўных твораў мастацтва, які знік, і адной з самых вядомых святыняў Беларусі.

 

Першымі на тэрыторыі рэспублікі ў «Выдавецтве «Беларускі Дом друку» ў 1995 годзе былі аддрукаваны маркі, прысвечаныя 50-годдзю Перамогі ў Вялікай Айчыннай вайне, якія выйшлі ў паштовае абарачэнне 4 мая 1995 года. Да гэтага беларускія дзяржаўныя знакі паштовай аплаты тыражаваліся ў Расіі.

 

Да гэтай падзеі РУП «Белпошта» падрыхтавала мастацкі маркіраваны канверт з літарнай маркай «А». Дызайн канверта Я.Бядонік.

 

З больш падрабязнай інфармацыяй можна азнаёміцца тут.