Мінскі метрапалітэн

 

27 лютага 2017 года Міністэрства сувязі і інфарматызацыі Рэспублікі Беларусь выпускае ў абарачэнне дзве паштовыя маркі з серыі «Мінскі метрапалітэн».

 

Маркі друкаваліся таксама ў малым лісце.

 

Дызайн А.Мядзведзь.

 

Маркі друкаваліся ў РУП «Бабруйская ўзбуйненая друкарня імя А. Ц.  Непагодзіна».

 

Станцыя «Маскоўская» адкрыта ў 1984 г., 30 чэрвеня якога і пачаўся рэгулярны рух цягнікоў Мінскага метрапалітэна на першай лініі ад станцыі «Інстытут Культуры» да станцыі «Маскоўская» працягласцю 7,84 км з васьмю станцыямі і электрадэпо «Маскоўскае».

Архітэктары: Ю.Івахнішын, Л.Кустава, Л.Пагарэлаў.
Мастакі: В.Даўгала, У.Стэльмашонак.  

 

Станцыя «Пятроўшчына» адкрыта ў 2012 г., калі ўведзены ў эксплуатацыю ўчастак падаўжэння першай лініі метрапалітэна ад станцыі «Інстытут Культуры» да станцыі «Пятроўшчына» працягласцю 5,12 км з трыма станцыямі.  

Архітэктары: Ю.Івахнішын, Л.Кустава, Л.Пагарэлаў. Мастакі: В.Даўгала, У.Стэльмашонак.

 

Праект падрыхтаваны ў супрацоўніцтве з дзяржаўным прадпрыемствам «Мінскі метрапалітэн».

 

У дзень выпуску паштовых марак у абарачэнне ў аддзяленні паштовай сувязі № 1 Мінска (магазін «Філатэлія», вул. Маскоўская, 16) будзе праводзіцца спецыяльнае гашэнне на канверце «Першы дзень».

 

З больш падрабязнай інфармацыяй можна азнаёміцца тут.