Жывапіс. В.К.Бялыніцкі-Біруля

 

1 лютага 2017 года Міністэрства сувязі і інфарматызацыі Рэспублікі Беларусь выпускае ў абарачэнне канверт з арыгінальнай маркай «Жывапіс. В. К. Бялыніцкі-Біруля» з серыі «Жывапіс».

 

Працяг серыі. Пачатак — канверты № 109, 110, 113, 115, 116, 123, 124, 129, 131, 133, 135.

 

Бялыніцкі-Біруля Вітольд Каятанавіч (29.02.1872, сядзіба Крынкі Бялыніцкага р-на Магілёўскай вобл. — 18.06.1957) — жывапісец-пейзажыст. Народны мастак Беларусі (1944). Народны мастак Расіі (1947). Правадзейны член Акадэміі мастацтваў СССР (1947). Ганаровы акадэмік НАН Беларусі (1947).

 

Пісаў пераважна лірычныя пейзажы, у аснове якіх тонкая кампазіцыйная пабудова, складаная нюансіроўка суадносін шаравата-серабрыстых і ліловых тонаў. Майстар веснавога пейзажа.

 

На канверце: рэпрадукцыі карцін В. К. Бялыніцкага-Бірулі «Дні юнага мая» (палатно, алей, 1950), «Зімовы сон» (палатно, алей, 1911).

 

На марцы: рэпрадукцыя карціны А. В. Маравага «Партрэт В. К. Бялыніцкага-Бірулі» (фрагмент, палатно, алей, 1908).

 

Дызайн канверта і спецштэмпеля А.Мядзведзь.

 

Спецыяльнаяе памятнае гашэнне будзе праводзіцца 28 лютага на паштамце Мінска.

 

З больш падрабязнай інфармацыяй можна азнаёміцца тут.