Дзіцячая філатэлія. Шчаняты

 

26 студзеня 2017 года Міністэрства сувязі і інфарматызацыі Рэспублікі Беларусь выпускае ў абарачэнне паштовыя маркі «Французскі бульдог», «Такса стандартная гладкашэрсная», «Амерыканскі кокер-спаніэль», «Чыхуахуа» з серыі «Шчаняты».

 

Маркі друкаваліся таксама ў малым лісце.

 

Мастак А.Міцянін. Дызайн М.Віткоўскай.

 

Маркі друкаваліся ў РУП «Бабруйская ўзбуйненая друкарня імя А. Ц. Непагодзіна».

 

Французскія бульдогі даволі ўраўнаважаныя, разумныя,таварыскія, вясёлыя і жвавыя, пяшчотныя з гаспадарамі, цудоўна ладзяць з дзецьмі і беззапаветна адданы ўладальніку.

 

Таксы досыць энергічныя, гуллівыя і хітрыя, валодаюць добрай інтуіцыяй і выдатнымі разумовымі здольнасцямі. Лічацца ідэальнымі кампаньёнамі, бо вельмі ўраўнаважаныя.

 

Амерыканскія кокер-спаніэлі кемлівыя, дружалюбныя, добрыя, выдатна ўжываюцца з іншымі жывёламі. Ідэальныя для сем'яў з дзецьмі і для ўсіх гаспадароў, якія хочуць мець разумнага і вясёлага сябра.

 

Чыхуахуа дапытлівыя, валодаюць цікаўнасцю і дзіўнай для такіх малышоў адвагай. Маюць добрую інтуіцыю, якая дазваляе ім прадугадваць рухі і ўчынкі гаспадароў.

 

Праект падрыхтаваны ў супрацоўніцтве з Беларускім грамадскім аб'яднаннем «Рэспубліканскі клуб службовага сабакаводства».

 

У дзень выпуску паштовых марак у абарачэнне ў аддзяленні паштовай сувязі № 1 Мінска (магазін «Філатэлія», вул. Маскоўская, 16) будзе праводзіцца спецыяльнае гашэнне на канверце «Першы дзень».

 

Да выпуску падрыхтаваны карткі для картмаксімумаў.

 

Дызайн М.Віткоўскай. Фота В.Бабундзінай, К.Прыемка, Л.Хадаровіч.

 

З больш падрабязнай інфармацыяй можна азнаёміцца тут.