Пінск – культурная сталіца Беларусі 2019 г.

11 студзеня 2019 года Міністэрства сувязі і інфарматызацыі Рэспублікі Беларусь выпускае ў абарачэнне канверт з арыгінальнай маркай «Пінск — культурная сталіца Беларусі 2019 г.».

Мастак Т.Дольская.

Дызайн М.Віткоўскай.

Пінск — раённы цэнтр Брэсцкай вобласці, горад з развітой інфраструктурай. Вядомы па Іпацьеўскім летапісе з 1097 года.

Па некаторых ацэнках, Пінск — другі ў Беларусі горад (пасля Гродна) па колькасці захаваных помнікаў архітэктуры.

Лічыцца сталіцай Палесся. З'яўляецца месцам правядзення культурных мерапрыемстваў міжнароднага, рэспубліканскага і абласнога ўзроўняў.

У 2019 годзе абвешчаны культурнай сталіцай Беларусі.

На канверце: палац Бутрымовічаў, від на порт і езуіцкі калегіум, касцёл Унебаўзяцця Найсвяцейшай Панны Марыі, герб горада.

Спецыяльнаяе памятнае гашэнне будзе праводзіцца 25 студзеня ў аддзяленні паштовай сувязі № 16 Пінска Брэсцкай вобл.

 

З больш падрабязнай інфармацыяй можна азнаёміцца тут.