25-годдзе ўсталявання дыпламатычных адносін паміж Рэспублікай Беларусь і Кыргызскай Рэспублікай

18 кастрычніка 2018 года Міністэрства сувязі і інфарматызацыі Рэспублікі Беларусь выпускае ў абарачэнне паштовую марку «25-годдзе ўсталявання дыпламатычных адносін паміж Рэспублікай Беларусь і Кыргызскай Рэспублікай».

 

Марка друкавалася ў РУП «Бабруйская ўзбуйненая друкарня імя А. Ц. Непагодзіна».

 

Дызайн Т.Кузняцовай.

Мастакі купона Віктар Чайчук (зубр) і Уладзімір Мельнік (снежны барс).

 

Дыпламатычныя адносіны паміж Рэспублікай Беларусь і Кыргызскай Рэспублікай усталяваны 21 студзеня 1993 года.

На рэгулярнай аснове ажыццяўляецца абмен візітамі на вышэйшым і высокім узроўнях, дынамічна развіваецца ўзаемадзеянне Беларусі і Кыргызстана ў рамках міжнародных арганізацый (АДКБ, ЕАЭС, СНД).

24 мая 2000 года створана Міжурадавая беларуска-кыргызская камісія па гандлёва-эканамічным супрацоўніцтве.

У апошнія гады актыўна развіваецца супрацоўніцтва ў культурна-гуманітарнай сферы.

 

Праект падрыхтаваны ў супрацоўніцтве з Пасольствам Рэспублікі Беларусь у Кыргызскай Рэспубліцы.

 

У дзень выпуску паштовай маркі ў абарачэнне ў аддзяленні паштовай сувязі № 1 Мінска (магазін «Філатэлія», вул. Маскоўская, 16) будзе праводзіцца спецыяльнае гашэнне на канверце «Першы дзень».

 

З больш падрабязнай інфармацыяй можна азнаёміцца тут.