Аляксандра-Неўскі храм у Мінску

Міністэрства сувязі і інфарматызацыі Рэспублікі Беларусь выпускае ў абарачэнне памятны спецштэмпель, які будзе выкарыстоўвацца 12 верасня 2018 года для правядзення спецыяльнага памятнага гашэння, прысвечанага Аляксандра-Неўскаму храму ў Мінску.

 

Месца гашэння — Мінск-1.

Колер масцікі — чорны.

Мастак спецштэмпеля Т.Дольская. Дызайн В.Когут.

 

Храм-помнік у гонар святога дабравернага князя Аляксандра Неўскага пабудаваны на Вайсковых могілках горада Мінска ў 1898 годзе ў гонар перамогі рускіх войск у Руска-турэцкай вайне 1877-1878 гадоў. У храме размешчаны мармуровыя пліты з імёнамі 118 беларускіх афіцэраў і салдат, загінулых пры вызваленні Балгарыі. За алтарнай сцяной храма знаходзяцца пахаванні вышэйшых афіцэрскіх чыноў, а непадалёк — дзве брацкія магілы воінаў. Захоўваюцца тут і ўнікальныя гістарычныя рэліквіі — паходная вайсковая царква і палкавыя харугвы 119-га Каломенскага пяхотнага палка.

Аляксандра-Неўскі храм, асвячоны 120 гадоў назад, з’яўляецца адным з нямногіх архітэктурных аб'ектаў сталіцы, які захаваўся да нашых дзён практычна ў першапачатковым выглядзе.

 

Да гэтай падзеі РУП «Белпошта» падрыхтавала мастацкі маркіраваны канверт з літарнай маркай «А».

 

Мастак канверта Т.Дольская. Дызайн В.Когут.

 

З больш падрабязнай інфармацыяй можна азнаёміцца тут.