Фінансавыя паслугі

Маючы шырокую сетку аддзяленняў паштовай сувязі, РУП "Белпошта" прапаноўвае кліентам розныя фінансавыя паслугі.

Аснашчанасць усіх аддзяленняў паштовай сувязі спецыяльнымі камп'ютарнымі сістэмамі дазволіла РУП "Белпошта" аказваць кліентам розныя фінансавыя паслугі нават у самых аддаленых сельскіх населеных пунктах.

РУП "Белпошта" аказвае важную сацыяльную фінансавую паслугу — ВЫПЛАТА ПЕНСІЙ (ДАПАМОГІ).

Выплата пенсій (дапамогі) ажыццяўляецца на аснове электроннай базы даных, якая прадастаўляецца органамі па працы, занятасці і сацыяльнай абароне, непасрэдна праз аперацыйныя касы аддзяленняў паштовай сувязі (на ўсіх рабочых месцах) або паштальёнам дома. Пры атрыманні пенсіі (дапамогі) дома атрымальнік можа адначасова ажыццявіць розныя віды плацяжоў, аформіць падпіску на друкаваныя сродкі масавай інфармацыі, адправіць грашовы перавод, набыць тавары спажывецкага попыту і г. д.

З клопатам пра атрымальнікаў пенсій (дапамогі) РУП "Белпошта" ўдасканалена сістэма выплаты пенсій (дапамогі) і з 5 мая 2015 года атрымальнікі пенсій (дапамогі) могуць атрымаць грашовыя сродкі ў любым аддзяленні паштовай сувязі рэспублікі незалежна ад месца пражывання.

РУП "Белпошта" перасылае грашовыя пераводы па ўсёй тэрыторыі рэспублікі толькі ў электронным выглядзе.

На сённяшні дзень РУП "Белпошта" прапаноўвае кліентам адправіць грашовы перавод з дастаўкай дадому, пісьмовым паведамленнем і паведамленнем пра атрыманне.

Пастаянна пашыраецца сетка краін-партнёраў па абмене МІЖНАРОДНЫМІ ПАШТОВЫМІ ГРАШОВЫМІ ПЕРАВОДАМІ. На сённяшні дзень — гэта 23 замежныя дзяржавы, у тым ліку з 3 краінамі (Азербайджан, Казахстан, Украіна) кліенты беларускай пошты могуць абменьвацца міжнароднымі тэрміновымі грашовымі пераводамі і з 13 краінамі (Азербайджан, Арменія, В'етнам, Казахстан, Кыргызстан, Малдова, Літва, Расія, Сербія, Таджыкістан, Украіна, Узбекістан і Эстонія) абмен міжнароднымі паштовымі грашовымі пераводамі ажыццяўляецца ў электронным выглядзе.

Больш за 3 000 аддзяленняў паштовай сувязі аказваюць паслугі ТРЫМАЛЬНІКАМ БАНКАЎСКІХ ПЛАЦЕЖНЫХ КАРТАК міжнародных плацежных сістэм "Master Card Worldwide", "Visa International" і нацыянальнай сістэмы "БелКарт".

Трымальнікі банкаўскіх плацежных картак могуць зняць наяўныя грошы, аплаціць розныя паслугі і тавары, прагледзець рэшту грашовых сродкаў. Трымальнікі банкаўскіх плацежных картак ААТ "Белгазпрамбанк", "Прыёрбанк" ААТ і ЗАТ "МТБанк" могуць папоўніць карт-рахунак.

У аддзяленнях паштовай сувязі ажыццяўляецца прыём плацяжоў наяўнымі грашамі для папаўнення "DELAY"  (сістэма ААТ "Белгазпрамбанк").

У межах дагавораў даручэння з рознымі банкамі кліентам аказваюцца наступныя банкаўскія паслугі:

• афармленне ўкладных аперацый (дэпазітаў) ААТ "ААБ Беларусбанк" у населеных пунктах, дзе няма аддзяленняў банка;
• афармленне пакета дакументаў для атрымання ашчаднай банкаўскай плацежнай карткі "МТБанк-Белдзяржстрах";
• перадача банкаўскіх плацежных картак ААТ "Белгазпрамбанк" з магчымасцю авердрафту па рахунку (праграма крэдытавання "Хуткія грошы").

РУП "Белпошта" ажыццяўляе дзейнасць па ПРЫЁМЕ ПЛАЦЯЖОЎ на ўсёй тэрыторыі Рэспублікі Беларусь. Інтэнсіўнае развіццё сучасных інфармацыйна-камунікатыўных тэхналогій дазволіла ўдасканальваць тэхналагічны працэс прыёму плацяжоў. Плацяжы можна правесці наяўнымі грашамі або з выкарыстаннем банкаўскіх плацежных картак. Прыём плацяжоў ажыццяўляецца:

• праз аперацыйныя касы аддзяленняў паштовай сувязі;
• на ўстройствах самаабслугоўвання (плацежна-даведачных тэрміналах), устаноўленых у аддзяленнях паштовай сувязі і на тэрыторыі пабочных арганізацый.
• пры дапамозе інтэрнэт-сайта РУП "Белпошта" www.belpost.by.

РУП "Белпошта" з'яўляецца плацежным агентам адзінай разліковай і інфармацыйнай прасторы Рэспублікі Беларусь (АРІП). Прыём плацяжоў у аддзяленнях паштовай сувязі ажыццяўляецца пры дапамозе АІС "Разлік" АРІП.