Адпраўленне ўнутранай паскоранай пошты EMS — гэта паштовае адпраўленне, якое рэгіструецца, апрацоўваецца, перасылаецца ў межах Рэспублікі Беларусь у прыярытэтным парадку і дастаўляецца адрасату не пазней рабочага дня, які ідзе за днём прыёму.
Перавагі паслугі: хуткасць перасылкі і гарантаваная дастаўка.
Адпраўленні ўнутранай паскоранай пошты EMS прымаюцца ў любым аддзяленні паштовай сувязі або кур’ерам у офісе (дома).
У адпраўленнях унутранай паскоранай пошты EMS могуць перасылацца дакументы (не больш за 2 кг) або таварнае ўлажэнне (не больш за 30 кг).
Магчымы прыём адпраўленняў унутранай паскоранай пошты EMS з аб’яўленай цэннасцю, з накладным плацяжом, з вопісам улажэння, з паведамленнем пра атрыманне (простым, заказным, электронным на e-mail, пры дапамозе SMS-паведамлення).
Аплата паслугі магчыма наяўным і безнаяўным шляхам.
Умовы дастаўкі:
Адпраўленні з умовай дастаўкі “на працягу дня” прымаюцца на адрас любога населенага пункта Рэспублікі Беларусь.
Адпраўленні з умовай дастаўкі “да 10 гадзін” і “ў прызначаны час” прымаюцца толькі да абласных і раённых цэнтраў краіны.
Пералік абласных і раённых цэнтраў, на адрас якіх магчымы прыём адпраўленняў з умовай дастаўкі “ў дзень прыёму”, абмежаваны.
У выпадку адсутнасці атрымальніка ў момант дастаўкі, магчыма паўторная дастаўка за дадатковую плату.
Магчыма дастаўка атрымальніку па месцы працы.
Адсочваць паштовае адпраўленне можна ў раздзеле “назіранне за паштовымі адпраўленнямі”.
Больш падрабязную інфармацыю можна атрымаць у аб’ектах паштовай сувязі або па тэлефоне call-цэнтра 154.