Памер: максімальны — сума даўжыні, шырыні і таўшчыні 900 мм, найбольшае вымярэнне 600 мм, мінімальны — 90 х 140 мм.
Для рулонаў: мінімальны — сума даўжыні і двайнога дыяметра 170 мм, найбольшае вымярэнне 100 мм; максімальны — сума даўжыні і двайнога дыяметра 1040 мм, найбольшае вымярэнне 900 мм.
Гранічная вага: 2 кг.
Упакоўка: у залежнасці ад характару прадметаў, якія перасылаюцца, упакоўваецца ў кардонныя каробкі, канверты, крафт-паперу. Упакоўка паштовых адпраўленняў выбіраецца адпраўшчыкам і павінна адпавядаць характару ўлажэння, умовам і працягласці перасылкі, выключаць магчымасць прычынення шкоды жыццю і здароўю работнікаў — аператараў паштовай сувязі, пашкоджання (псавання) улажэння пры апрацоўцы і перасылцы, доступу да ўлажэння без парушэння ўпакоўкі, пашкоджання (псавання) іншых паштовых адпраўленняў (п. 66 Правіл аказання паслуг паштовай сувязі агульнага карыстання).
Простая бандэроль
Характар улажэння: друкаваная прадукцыя (бланкі, брашуры, плакаты), фатаграфіі, альбомы, друкаваныя сродкі масавай інфармацыі, сшыткі, блакноты, дзелавыя паперы, мастацкая і іншая літаратура, друкаваная рэкламная інфармацыя і іншая друкаваная прадукцыя.
Парадак адпраўлення: у залежнасці ад памераў шляхам апускання ў паштовую скрынку або здаецца ў аперацыйнае акно аб'екта паштовай сувязі.
Парадак уручэння: у залежнасці ад памераў шляхам апускання ў абаненцкую паштовую шафу (індывідуальную паштовую скрынку) або выдача праз аддзяленне паштовай сувязі.
Заказная бандэроль
Перавагі:
— пацвярджэнне падачы — выдаецца квітанцыя;
— пацвярджэнне ўручэння — пад роспіс;
— магчымасць атрымання інфармацыі пра месцазнаходжанне ў любы момант часу пры дапамозе інтэрнэт-сайта РУП "Белпошта" ў раздзеле "Сачэнне за паштовымі адпраўленнямі". .
Характар улажэння: тое ж, што і ў простых, акрамя таго, можна перасылаць кантрольныя работы студэнтаў-завочнікаў.
Парадак адпраўлення: здаецца адпраўшчыкам у аперацыйнае акно аб'екта паштовай сувязі.
Парадак уручэння: уручаецца адрасату пад распіску з прад'яўленнем дакумента, які сведчыць асобу.
Заказныя бандэролі, адрасаваныя юрыдычным асобам, уручаюцца ўпаўнаважаным асобам на першых паверхах будынкаў або ў аб'ектах паштовай сувязі ў адпаведнасці з заявай юрыдычнай асобы.
Пры адпраўцы заказной бандэролі можна скарыстаць наступныя паслугі:
"З паведамленнем пра атрыманне" — мы вам паведамім, калі і каму (адрасату або яго даверанай асобе) уручана ваша адпраўленне.
Паведамленні бываюць:
Простае - бланк паведамлення перасылаецца і ўручаецца адпраўшчыку як простае пісьмо.
Заказное - бланк паведамлення ўручаецца кліенту пад распіску.
Электроннае - інфармацыя аб уручэнні адпраўлення паступае адпраўшчыку на адрас электроннай пошты.