РУП «Белпошта» інфармуе аб змене тарыфаў на некаторыя паслугі паштовай сувязі

РУП «Белпошта» інфармуе аб змене тарыфаў на некаторыя паслугі паштовай сувязі

Палітыка РУП «Белпошта» накіравана на аказанне канкурэнтаздольных паслуг паштовай сувязі, грунтуючыся на патрабаваннях спажыўцоў і павышэнні іх задаволенасці. Аднак падтрыманне высокай якасці паслуг немагчыма без набыцця сучаснага абсталявання, мадэрнізацыі аб’ектаў паштовай сувязі, абнаўлення парка аўтамабіляў, укаранення новых паслуг, заснаваных на сучасных інфармацыйных тэхналогіях.

З 27 сакавіка 2017 года ў адпаведнасці з пастановай Міністэрства антыманапольнага рэгулявання і гандлю Рэспублікі Беларусь ад 10.03.2017 № 19 змяняецца кошт паслуг па перасылцы ўнутранай простай пісьмовай карэспандэнцыі (паштовыя карткі, пісьма, бандэролі). Варта асоба адзначыць, што апошняе змяненне тарыфаў на гэтыя паслугі было ў красавіку 2015 года. Тарыф на перасылку простай паштовай карткі, простага пісьма (бандэролі) масай 20 г для фізічных і юрыдычных асоб складзе 0,42 рубля з улікам ПДВ, тарыф за кожныя наступныя поўныя або няпоўныя 20 г пісьма (бандэролі) не зменіцца.

Адначасова будуць зменены тарыфы на некаторыя нерэгулюемыя паслугі паштовай сувязі: унутрырэспубліканскія паслугі паштовай сувязі агульнага карыстання і паслугі па перасылцы міжнародных паштовых адпраўленняў. У сярэднім тарыфы на паслугі паштовай сувязі павысяцца на 9% да ўзроўню тарыфаў, якія дзейнічаюць з лютага 2016 года.

У той жа час будуць зніжаны тарыфы на перасылку міжнародных адпраўленняў ЕМS у Расію (у тым ліку ў Маскву і Маскоўскую вобласць).

РУП «Белпошта» адзначае, што не плануецца змяненне тарыфаў на перасылку ўнутрырэспубліканскіх адпраўленняў ЕМS, паштовага грашовага пераводу, паслуг «Паштовы кур’ер», «Прамая паштовая рэклама», «Паштовы маркетынг», «Местная посылка», «Экспрэс-кур’ер».

Усе змены будуць актуалізаваны 27.03.2017 у раздзеле «Тарыфы».

Сёння РУП «Белпошта» — гэта сучаснае, канкурэнтаздольнае, тэхналагічнае, прадпрыемства, якое дынамічна развіваеццаівыкарыстоўвае ў сваёй працы перадавыя інфармацыйныя тэхналогіі і актыўна працуе над удасканаленнем і развіццём прадстаўляемыхпаслуг высокай якасці.