Пішыце пісьма Дзеду Марозу і Снягурцы!

Сябры, у вас ёсць унікальная магчымасць скарыстацца навагодняй поштай! Зусім хутка навагодняя казка ўвойдзе ў кожны дом! Павіншуйце сваіх родных і сяброў з надыходзячым Новым Годам! Напішыце пісьмо Дзеду Марозу і Снягурцы!

Кожны калісьці быў дзіцем і марыў напісаць пісьмо Дзеду Марозу, успамінаючы, якія добрыя ўчынкі здзяйсняў і што добрае рабіў у адыходзячым годзе, распавядаючы пра свае мэты на будучы год!

Зараз самы час дасылаць пісьма з запаветнымі пажаданнямі Дзеду Марозу! Магчыма, вы захочаце падзяліцца сваімі марамі або жаданнямі, а магчыма, проста працягнеце традыцыю з дзяцінства!

РУП «Белпошта», як заўсёды, будзе добрым чараўніком і дапаможа даставіць навагоднія пасланні казачным персанажам.

Адправіць пісьмо можна не толькі Дзеду Марозу, але і Снягурцы — у круглай зале сталічнага паштамта ўстаноўлена спецыяльныя паштовая скрыня.

Пісьма, адрасаваныя навагоднім героям, можна адправіць і на сталічным паштамце, і ў любым аддзяленні паштовай сувязі рэспублікі.

А можа, вы захочаце павіншаваць самога Дзеда Мароза ці Снягурку з Новым Годам! Бо Дзед Мароз вельмі любіць атрымліваць пісьма і будзе вельмі рад вашым пасланням!

Каб Дзед Мароз і Снягурка атрымалі пісьмо, неабходна правільна пазначыць на канверце з маркай адрас атрымальніка.