Казка ў кожны дом! Белпошта прымае заказы на навагодняе «Віншаванне Дзеда Мароза»

Набліжаецца самае доўгачаканае, чароўнае і ўсімі любімае свята — Новы год. Гэта цудоўны час, калі спраўджваюцца мары, і ў кожны дом прыходзіць сапраўдная навагодняя казка. З радасцю і асаблівым хваляваннем галоўнае зімовае свята чакаюць дзеці, бо Новы год для іх — гэта сустрэча з чарадзействам, час падарункаў, дзіўных сюрпрызаў і непаўторных адкрыццяў!

Атрымаць ліст або падарунак ад казачнага персанажа Дзеда Мароза марыць кожнае дзіця. РУП «Белпошта» спяшаецца ажыццявіць дзіцячыя мары — з 1 лістапада 2016 года па добрай традыцыі прадпрыемства прапануе аформіць заказ на навагоднюю паслугу «Віншаванне Дзеда Мароза».

«Віншаванне Дзеда Мароза» — гэта чароўны Ліст ад Дзеда Мароза з цёплымі і добрымі пажаданнямі або Падарунак ад Дзеда Мароза з лістом і адной з цудоўных вясёлых мяккіх цацак (вялікая мяккая цацка — сімвал будучага 2017 года або Петушок з сакрэтнай кішэняй). Навагодняе віншаванне ў канверце падорыць сапраўдную зімовую казку, незабыўны святочны настрой, а чароўны Певень прынясе ўдачу ў дамы Вашых блізкіх!

Закажыце «Віншаванне Дзеда Мароза» і напярэдадні Новага года паштальён даставіць яго на дом!

Аформіць і аплаціць заказ на  «Віншаванне Дзеда Мароза» можна:

• у любым аддзяленні паштовай сувязі Рэспублікі Беларусь;
• з дапамогай інтэрнэт-сэрвісу «Віншаванне Дзеда Мароза» (з магчымасцю аплаты банкаўскай аплатнай карткай);
• у паштальёна.

Бланк заказу на  «Віншаванне Дзеда Мароза».

Заказы на паслугу «Віншаванне Дзеда Мароза» па тэрыторыі Рэспублікі Беларусь прымаюцца да 22 снежня 2016 года, у краіны СНД і далёкага замежжа — да 1 снежня 2016 года.

Увага! Прымаюцца заказы ад юрыдычных асоб па безнаяўным разліку! Спяшаецеся! Прапанова абмежавана!

Даведачная інфармацыя — Call-цэнт 154.

Новы год — гэта свята дзяцінства, дабра і цудаў! Дакраніцеся да чараўніцтва разам з РУП «Белпошта»!