Більярд - гульня інтэлігентаў

4 студзеня 2017 года прайшлі ўнутрывытворчыя спаборніцтвы па більярдзе сярод работнікаў апарата кіравання РУП «Белпошта», вытворчасці «Мінская пошта» і аўтатранспартнай вытворчасці. У першынстве прынялі ўдзел 18 супрацоўнікаў прадпрыемства.

Пераможцамі сталі:

1 месца — Жывалок Руслан Мікалаевіч — рабочы па комплексным абслугоўванні будынкаў і збудаванняў 5 разраду ўчастка па рамонце і ўтрыманню будынкаў і збудаванняў вытворчасці «Мінская пошта»;

2 месца — Колас Віталь Віктаравіч — інжынер участка гібрыднай пошты і распаўсюджвання рэкламы вытворчасці «Мінская пошта»;

3 месца — Загавалка Генадзь Мар’янавіч — вадзіцель аўтатранспартнай вытворчасці РУП «Белпошта».

Пераможцам спаборніцтваў уручаны граматы і выплачана грашовая прэмія.

Більярд — цікавая інтэлектуальная гульня, у якой шмат агульнага з гульнёй у шахматы. Більярд развівае ўменне засяроджвацца, канцэнтравацца і правільна ацэньваць сітуацыю, трэніруе вытрымку. Уменне тактычна і стратэгічна мысліць — неабходная ўмова для паспяховай гульні. Бясконцая колькасць камбінацый і верагодных удараў кожны раз робіць яе непаўторнай і цікавай для людзей якія думаюць.

Віншуем удзельнікаў спаборніцтваў з перамогай, жадаем поспехаў і заваёвы новых вяршынь!