Цырымонія афіцыйнага гашэння паштовай маркі «25-годдзе стварэння Садружнасці Незалежных Дзяржаў».

 

Сёння, 30 жніўня 2016 года, у будынку Выканкама СНД адбылася цырымонія афіцыйнага гашэння паштовай маркі «25-годдзе стварэння Садружнасці Незалежных Дзяржаў».

 

Мастацкай асновай паштовай маркі, спецыяльнага штэмпеля і канверта «Першы дзень» стала эмблема СНД, а таксама выява будынка Выканаўчага камітэта. Дызайн праекта Таццяны Кузняцовай.

 

 

У цырымоніі афіцыйнага гашэння прынялі ўдзел:

 

Надзвычайны і Паўнамоцны Пасол Кыргызскай Рэспублікі ў Рэспубліцы Беларусь, Пастаянны паўнамоцны прадстаўнік Кыргызскай Рэспублікі пры статутных і іншых органах Садружнасці Незалежных Дзяржаў — Кубанычбек Касымавіч Амураліеў;

 

Старшыня Выканаўчага камітэта — Выканаўчы сакратар СНД — Сяргей Мікалаевіч Лебедзеў;

 

Намеснік Міністра сувязі і інфарматызацыі Рэспублікі Беларусь — Наталля Міхайлаўна Гардзеенка.

 

 

 

 

 

Міністэрства сувязі і інфарматызацыі Рэспублікі Беларусь ужо выпускала паштовыя маркі, прымеркаваныя да важных дат у дзейнасці Садружнасці:

 

12 ліпеня 2001 года — паштовая марка «10-годдзе стварэння Садружнасці Незалежных Дзяржаў».

 

18 лютага 2009 года — паштовая марка «Будынак Выканаўчага камітэта Садружнасці Незалежных Дзяржаў».

 

28 чэрвеня 2011 года — паштовая марка «20 гадоў Садружнасці Незалежных Дзяржаў».

 

30 мая 2013 года — паштовая марка «Старшынства Рэспублікі Беларусь у Садружнасці Незалежных Дзяржаў у 2013 г.».

 

СНД служыць развіццю і ўмацаванню сяброўства, добрасуседства, міжнацыянальнай згоды, даверу, паразумення і ўзаемавыгаднага супрацоўніцтва паміж дзяржавамі. Паштовы выпуск «25-годдзе стварэння Садружнасці Незалежных Дзяржаў» падкрэсліць значнасць і запатрабаванасць гэтай арганізацыі.