РЭСПУБЛІКАНСКАЕ ЎНІТАРНАЕ ПРАДПРЫЕМСТВА ПАШТОВАЙ СУВЯЗІ «БЕЛПОШТА»
ХУТКАСЦЬ
НАДЗЕЙНАСЦЬ
ДАСТУПНАСЦЬ
ПАЛІТЫКА
Ў ГАЛІНЕ ЯКАСЦІ І АХОВЫ ПРАЦЫ
Прадпрыемства ставіць мэтай аказанне паслуг паштовай сувязі з высокай якасцю, грунтуючыся на патрабаваннях спажыўцоў і павышэнні іх задаволенасці.
Дзейнасць прадпрыемства накіравана на:
аказанне паслуг паштовай сувязі на ўзроўні, які адпавядае патрабаванням эканомікі і задавольвае заканадаўчыя і іншыя абавязковыя патрабаванні;
забеспячэнне ўстойлівага фінансава-эканамічнага становішча прадпрыемства, рост дабрабыту работнікаў, эканомію і рацыянальнае выкарыстанне рэсурсаў;
удасканаленне паслуг, вытворчых працэсаў, прымяненне новых форм абслугоўвання на аснове інфармацыйных тэхналогій, рызыкаарыентаванага кіравання;
навучанне і павышэнне кваліфікацыі персаналу, матывацыю яго прадукцыйнай і якаснай працы;
стварэнне бяспечных умоў працы на працоўных месцах, зніжэнне рызык вытворчага траўматызму і прафесійных захворванняў;
пастаяннае павышэнне рэзультатыўнасці сістэм менеджменту якасці ў адпаведнасці з патрабаваннямі СТБ ISO 9001-2015 і кіравання аховай працы ў адпаведнасці з патрабаваннямі СТБ 18001 — 2009.
Усе работнікі прадпрыемства нясуць адказнасць за рэалізацыю дадзенай Палітыкі, забяспечваючы высокую якасць працы ў межах сваіх службовых абавязкаў.
Найвышэйшае кіраўніцтва прадпрыемства абавязваецца выконваць дадзеную Палітыку, выдзяляць для гэтага неабходныя рэсурсы.
Генеральны дырэктар У. У. Матусевіч